ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਈ ਨਹੀਂ
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ
ਆਹ ਜ਼ਰੂਰਤਾਂ ਤਾਂ ਛੱਡੋ ਹੋ ਗਏ ਸੁਪਨੇ ਵੀ ਪੂਰੇ
ਤਾਂ ਵੀ ਆਖਦੇ ਰਹਿੰਦੇ ਕਿ ਲੇਖ ਹੀ ਖ਼ਰਾਬ ਨੇ
ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਈ ਨਹੀਂ
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ
ਜਦੋਂ ਸਿੱਖ ਲਿਆ ਹਰ ਪਲ ਮਾਨਣਾ ਉਦੋਂ ਹੀ
ਨਿੱਕੇ-ਮੋਟੇ ਦੁੱਖਾਂ ਨੂੰ ਵੀ ਆ'ਜੂ ਟਾਲਣਾ ਉਦੋਂ ਹੀ
ਜਦੋਂ ਆਪ ਲਾ ਕੇ ਜ਼ੋਰ ਕੀਤਾ ਚਾਨਣਾ ਉਦੋਂ ਹੀ
ਪਤਾ ਲੱਗੂ ਸਾਡੇ ਲਈ ਜੋ ਕੀਤਾ ਆਫ਼ਤਾਬ ਨੇ
ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਈ ਨਹੀਂ
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ
ਹਾਲੇ ਜ਼ਿੰਦਗੀ ਨੇ ਕਾਫ਼ੀ ਸਾਰੇ ਸਬਕ ਸਿਖਾਉਣੇ
ਹਾਲੇ ਚਾਬੀਆਂ ਗੁਆਉਣੀਆਂ ਤੇ ਤਾ'ਲੇ ਚਮਕਾਉਣੇ
ਫੇਰ ਪਿਛਲੀਆਂ ਬਾਰੀਆਂ 'ਚੋਂ ਦਾਖ਼ਲੇ ਕਰਾਉਣੇ
ਏਹੋ ਸਾਰੇ ਹੀ ਤਮਾਸ਼ੇ ਬੜੇ ਲਾ-ਜਵਾਬ ਨੇ
ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਈ ਨਹੀਂ
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ
ਜੋ ਵੀ ਹੋਊਗਾ ਜੀ ਹੋਊਗਾ ਹੈਰਾਨ ਹੋਣ ਵਾਲ਼ਾ
ਹੋਇਆ ਦੇਰ ਨਾ' ਤਾਂ ਥੋੜ੍ਹਾ ਪਰੇਸ਼ਾਨ ਹੋਣ ਵਾਲ਼ਾ
ਤਕ਼ਦੀਰਾਂ ਨਾਲ਼ ਜੰਗ ਘਮਾਸਾਨ ਹੋਣ ਵਾਲ਼ਾ
ਐਸੇ ਆਲਮ ਵੀ ਅੱਗੇ ਬੜੇ ਬੇ-ਹਿਸਾਬ ਨੇ
ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਈ ਨਹੀਂ
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ
ਐਸੇ ਮਸਲੇ ਤਾਂ ਪੂਰੇ ਕਹਿੰਦੇ ਛਾਪ ਵੀ ਨੀ ਹੁੰਦੇ
ਜਦੋਂ ਪਤਾ ਲੱਗ ਜਾਂਦਾ ਓਦੋਂ ਪਾਪ ਵੀ ਨੀ ਹੁੰਦੇ
ਜਿਹੜੇ ਕੰਮ ਰੱਬ ਕੋਲ਼ੋਂ ਕਹਿੰਦੇ ਆਪ ਵੀ ਨੀ ਹੁੰਦੇ
ਓਹੀ ਕਰਨੇ ਹੁੰਦੇ ਨੇ ਬਾਂਸੁਰੀ-ਰਬਾਬ ਨੇ
ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਈ ਨਹੀਂ
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ
ਕਿਤੇ ਬੇੜੀਆਂ ਪੁਚਾਵੋ ਕਿਤੇ ਪੁਲ਼ ਬਣਵਾਈਏ
ਕਿਤੇ ਛਾਵਾਂ ਬੀਜੀਏ ਤੇ ਕਿਤੇ ਨਿੱਘ ਵਰਤਾਈਏ
ਸਰਤਾਜ ਸਿਆਂ ਗੀਤ ਸਾਂਝ ਪਾਉਣ ਵਾਲ਼ਾ ਗਾਈਏ
ਓ ਸਕੂਨ ਦੇਣ ਵਾਲ਼ੇ ਏਹੀ ਤਾਂ ਸਵਾਬ ਨੇ
ਖ਼ੁਸ਼ ਬੰਦਿਆਂ ਨੂੰ ਹਾਲੇ ਤੂੰ ਤਾਂ ਮਿਲ਼ਿਆ ਈ ਨਹੀਂ
ਜਿਹੜੇ ਮਿਲ਼ੇ ਨੇ ਬੇਚਾਰੇ ਬੱਸ ਕਾਮਯਾਬ ਨੇ