ਹਾਏ ਰੋਈਆ ਦੇ ਵਿੱਚ ਅੱਕ ਦੇ ਵਾਗੂੰ
ਨਾਨਕਿਆ ਦੀ ਸ਼ੱਕ ਦੇ ਵਾਗੂੰ
ਜਾਂ ਕਿਸੇ ਲੋਕ ਤੱਥ ਦੇ ਵਾਗੂੰ
ਯਾਦ ਰਹੇਗੀ
ਨੀ ਹਾਏ ਕਿਸਾਨਾ ਦੇ ਹੱਕ ਦੇ ਵਾਗੂੰ
ਬਾਬੇਆ ਦੀ ਸੱਥ ਦੇ ਵਾਗੂੰ
ਚੋਂਦੀ ਹੋਈ ਛੱਤ ਦੇ ਵਾਗੂੰ ਯਾਦ ਰਹੇਗੀ
ਤੇਰੀ ਦੀਦ ਰਿਜਕ ਦੇ ਵਰਗੀ ਸੀ
ਭੁੱਖ ਮਰੀ ਦੇ ਹੁਣ ਹਾਲਾਤ ਹੋਏ
ਤੇਰੇ ਬਾਦ ਮਿਲੀ ਨਾ ਦਿਲ ਨੂੰ ਨੀ
ਬੜੇ ਸ਼ਾਂਤੀ ਲਈ ਕਰੇ ਜਾਪ ਹੋਏ
ਪੈਸੇ ਟਕੇ ਦੀ ਅੋਖ ਦੇ ਵਾਗੂੰ
ਗੱਬਰੂ ਪੁੱਤ ਦੀ ਮੋਤ ਦੇ ਵਾਗੂੰ
ਧੀ ਜੰਮਨ ਦੇ ਖੌਫ ਦੇ ਵਾਗੂੰ ਯਾਦ ਰਹੇਗੀ
ਹਾਏ ਸੂਰਮਿਆਂ ਦੀ ਸਾਖੀ ਵਾਗੂੰ
ਪਿਓ ਦੀ ਆਖਰੀ ਆਖੀ ਵਾਗੂੰ
ਹਾਏ ਹੱਥ ਤੇ ਵੱਜੀ ਦਾਤੀ ਵਾਗੂੰ ਯਾਦ ਰਹੇਗੀ

ਹਾਏ ਏਨਾ ਚਾਅ ਹੁੰਦਾ ਮੁਲਾਕਾਤ ਦਾ ਸੀ
ਜਿਓ ਹਾੜੀ ਦੀ ਵਾਡੀ ਦਾ
ਤੇਰਾ ਰੁਸਨਾ ਹੁੰਦਾ ਪੱਕਾ ਸੀ
ਜਿਵੇ ਤੇਲ ਚੋਣਾ ਕਿਸੇ ਲਾਗੀ ਦਾ
ਹਾਏ ਰਾਝੇ ਨੂੰ ਝੰਗ ਦੇ ਵਾਗੂੰ
ਜਿੱਥੇ ਮਿਰਜਾ ਵੱਡਿਆ ਜੰਡ ਦੇ ਵਾਗੂੰ
ਲੇਲਾ ਦੇ ਕਾਲੇ ਰੰਗ ਦੇ ਵਾਗੂੰ ਯਾਦ ਰਹੇਗੀ
ਹਾਏ ਸਿਰ ਕਰਜੇ ਦੀ ਪੰਡ ਦੇ ਵਾਗੂੰ
ਸੰਤਾਲੀ ਦੀ ਵੰਡ ਦੇ ਵਾਗੂੰ
ਹਾਏ ਮੁੰਦਕੀ ਦੀ ਜੰਗ ਦੇ ਵਾਗੂੰ ਯਾਦ ਰਹੇਗੀ

ਹਾਏ ਸਾਕ ਲਿਆਈ ਸਕੀਰੀ ਚੋ
ਸੀ ਚਾਲ ਤੇਰੀ ਪਰਜਾਈ ਦੀ
ਸਵਾ ਮਹੀਨਾ ਹੋ ਗਿਆ ਨੀ
ਹੋਗੀ ਰਸਮ ਚੂੜਾ ਵਧਾਈ ਦੀ
ਹੰਸਾ ਵਰਗਾ ਹੁਸਨ ਸੀ ਤੇਰਾ
ਝੋਲੀ ਪੈ ਗਿਆ ਗੈਰਾ ਦੀ
ਤੂੰ ਸਿਰ ਤੋ ਸੁੱਟਦੀ ਚੋਲ ਰੋਈ
ਮੈਂ ਮਿੱਟੀ ਚੱਕ ਤੇਰੇ ਪੈਰਾ ਦੀ
ਹਾਏ ਨੋਜਵਾਨ ਦੀ ਗੱਦੀ ਦੇ ਵਾਗੂੰ
ਖੇਤ ਚ ਲੱਗੀ ਮੰਡੀ ਦੇ ਵਾਗੂੰ
ਕਿਸੇ ਆਸ਼ਕ ਦੀ ਕੱਡੀ ਦੇ ਵਾਗੂੰ ਯਾਦ ਰਹੇਗੀ
ਨੀਲੀ ਛੱਤ ਆਲੇ ਦੇ ਭਾਣੇ ਵਾਗੂੰ
ਅਨਵੰਡੇ ਮੁਲਕ ਪੁਰਾਣੇ ਵਾਗੂੰ
ਜਾ ਬਲਕਾਰ ਦੇ ਗਾਣੇ ਵਾਗੂੰ ਯਾਦ ਰਹੇਗੀ
ਹਾਏ ਦਿਲ ਮਰਗੇ ਚਾਅ ਦੇ ਵਾਗੂੰ
ਜਾ ਮਹਿਬੂਬ ਦੇ ਨਾਅ ਦੇ ਵਾਗੂੰ
ਆਖਰੀ ਨਿਕਲੇ ਸਾਹ ਦੇ ਵਾਗੂੰ ਯਾਦ ਰਹੇਗੀ