ਨਾ ਵੱਧ ਘੱਟ ਗੱਲ ਨਾ ਰੱਖਿਆ ਕੋਈ ਓਹਲਾ
ਸੌ ਨੰਬਰ ਚੋਂ ਸੌ ਪੂਰੇ ਲੈ ਗਿਆ ਵਿਚੋਲਾ
ਮੰਮੀ ਡੈਡੀ ਖੁਸ਼ ਨਾਲ਼ੇ ਚਾਚੇ ਤਾਏ ਸਾਰੇ
ਜੋੜੀ ਸਾਡੀ ਪੀਂਘ ਤੇ ਹੁਲਾਰੇ ਵਰਗੀ
ਚੰਨ ਵਰਗਾ ਨੀ ਮਾਹੀ ਚੰਨ ਵਰਗਾ
ਜੱਟੀ ਵੀ ਏ ਸਰਘੀ ਦੇ ਤਾਰੇ ਵਰਗੀ
….. …… …. ….
ਬੋਲਦੇ ਬੰਬੀਹੇ ਆਈਆਂ ਮਾਮੀਆਂ ਤੇ ਮਾਸੀਆਂ
ਨੱਚ ਨੱਚ ਥੱਕੀਆਂ ਨਾ ਭੂਆ ,ਤਾਈਆਂ ,ਚਾਚੀਆਂ
ਵੀਰਾਂ , ਭੈਣਾਂ ,ਭਾਬੀਆਂ ਨੂੰ ਚਾਅ ਚੜ੍ਹਿਆ
ਕੋਈ ਧਿਰ ਨਹੀਂ ਇਹਨਾਂ ਦੇ ਸਹਾਰੇ ਵਰਗੀ
ਚੰਨ ਵਰਗਾ ਨੀ ਮਾਹੀ ..,,, …. ….

ਫੁੱਫੜ ਤੇ ਮਾਸੜ ਗਏ ਹੱਥ ਸਿਰ ਧਰਕੇ
ਮਾਮੇ ਫੁੱਲੇ ਨੀ ਸਮਾਏ ਵਿਆਹ ਭਾਣਜੀ ਦਾ ਕਰਕੇ
ਦਾਦੇ ਦਾਦੀ ਬੁੱਕਲ਼ ਲੈ ਮੱਥਾ ਚੁੰਮਿਆ ,ਛਾਂ ਇਹਨਾਂ ਦੀ ਹੈ ਰੁੱਖ ਕਿਸੇ ਭਾਰੇ ਵਰਗੀ
ਚੰਨ ਵਰਗਾ ਨੀ ਮਾਹੀ ..,,, …. ….

ਹਰ ਸ਼ੈਅ ਜੀਹਦੇ ਨਾਲ ਲੱਗਦੀ ਹੁਸੀਨ ਨੀ
ਸਾਊ ਜੇ ਸੁਭਾਅ ਦਾ ਸੁਖਵਿੰਦਰ ਸ਼ੁਕੀਨ ਨੀ
ਪਿੰਡ ਗੁਰਮਾ ਚ ਜਦੋਂ ਡੋਲੀ ਮੇਰੇ ਆਈ
ਲੱਗੀ ਜੂਹ ਤਖ਼ਤ ਹਜ਼ਾਰੇ ਵਰਗੀ
ਚੰਨ ਵਰਗਾ ਨੀ ਮਾਹੀ .. … …..