गीत - छोड़ गया थे प्रदेश

F- छोड़ गया थे प्रदेश म्हारो जी नही लागे
छोड़ गया थे प्रदेश ......देश रे
सोऊ तो निंद ना आवे जागु तो कुछ ना सुवावे
रह रह सतावे थारी याद रे

M- म्हारो भी गोरी ओ ही हाल थाने काई बताउ
म्हारो भी गोरी ओ ही हाल....हाल रे
पल पल तस्वीर निहारु उण पे आंसु ढळकाउ
किण ने केउ दिल मनड़ा री बात

F - लागे विरंगी बेरण रात ओ पिया म्हाने
लागे विरंगी बेरण रात....रात रे
बायरीयो तन छुवे दिल में हलचल सी होवे
लागे थे रख दियो तन पर हाथ

M-बंधिया मझबुरी सुम्हारा हाथ लाडेसर लाडी
बंघिया मझबुरी सुम्हारा हाथ..... हाथ रे
छुट्टी मिले ना म्हाने किकर समझाउ थाने
सिर्फ़ दिलासा म्हारे पास

F - खिड़कियां सु करु हरदम बात ओ साजन प्यारा
खिड़कियां सु करु हरदम बात...बात रे
दिल ने किणविध समझाऊं किण किण सु दर्द छुपाउ
जितरे मे नेणा पड़े रोय

M- धीरज धरो थे मनड़ा माय थोड़ो सो गोरी
धिरज धरो थे मनड़ा माय... माय रे
दुखड़ों दिलड़ा समझे गम थारो सगळो हर लु
पर म्हारो वस चाले नाय

F झुरझुर ने पड़गी काली राज आवो तो आजो
झुरझुर ने पड़गी काली राज... राज
फुलांसो मुख कुमळायो नैणा अंधेरों छायो
पागल सी होगी थारी नार.....

M- इतरो देवो ना ओळबो आप मै सह नही पाउ
इतरो देवो ना ओळबो आप.... आप रे
करली तैयारी आवणरी सोचु ना फेर जावण री
रहू मै हरदम थारे साथ.........