ప్రేమపూర్ణుడా - స్నేహశీలుడా

విశ్వనాధుడా- విజయవీరుడా

ఆపత్కాలమందున - సర్వలోకమందున్న

దీనజనాళి దీపముగా - వెలుగుచున్నవాడా

ఆరాధింతు నిన్నే- లోకరక్షకుడా

ఆనందింతు నీలో-జీవితాంతము

నీకృప ఎంత ఉన్నతమో వర్ణించలేను స్వామి

నీ కృపయందు తుదివరకు నడిపించు యేసయ్య

పూర్ణమై - సంపూర్ణమైన - నీదివ్య చిత్తమే

నీవు నను నడిపే నూతనమైన జీవమార్గము

ఇహమందు పరమందు ఆశ్రయమైనవాడవు

ఇన్నాళ్లు క్షణమైనా ననుమరువని యేసయ్య

నా తోడు నీవుంటే అంతే చాలయ్య

నాముందు నీవుంటే భయమే లేదయ్యా

భాగ్యమే - సౌభాగ్యమే నీ దివ్య సన్నిధి

బహు విస్తారమైన నీకృప నాపై చూపితివి

బలమైన - ఘనమైన నీనామమందు హర్షించి

భజియించి - కీర్తించి ఘనపరతు నిన్ను యేసయ్య

నా తోడు నీవుంటే అంతే చాలయ్య

నాముందు నీవుంటే భయమే లేదయ్యా

నిత్యము - ప్రతి నిత్యము నీ జ్ఞాపకాలతో

నా అంతరంగమందు నీవు-కొలువై వున్నావులే

నిర్మలమైన నీ మనసే - నా అంకితం చేసావు

నీతోనే జీవింప నన్ను కొనిపో-యేసయ్య

నా తోడు నీవుంటే అంతే చాలయ్య

నాముందు నీవుంటే భయమే లేదయ్యా