ਮਾਤਾ ਗੁਜਰੀ ਜੀ ਦੇ ਇਕ ਪਾਸੇ
ਸਾਹਿਬਜ਼ਾਦਾ ਜ਼ੋਰਾਵਰ ਸਿੰਘ
ਅਤੇ ਦੂਸਰੇ ਪਾਸੇ ਸਾਹਿਬਜ਼ਾਦਾ ਫਤਿਹ ਸਿੰਘ
ਦੋਵੇ ਵੀਰ ਉਂਗਲੀ ਫੜ ਕੇ ਸਰਸੇ ਦੇ ਕੰਡੇ ਕੰਡੇ ਨਾਲ ਨਾਲ ਚਲ ਰਹੇ ਸੀ
ਅੱਗੇ ਚਲ ਕੇ ਇਹਨਾਂ ਨੂੰ ਗੰਗੂ ਬ੍ਰਾਹਮਣ ਮਿਲਿਆ
ਜਿਹੜਾ ਕੇ ਕਿਸੇ ਵਕ਼ਤ ਗੁਰੂ ਘਰ ਦਾ ਰਸੋਈਆਂ ਰਹਿ ਚੁਕਾ ਸੀ
ਉਹ ਇਹਨਾਂ ਨੂੰ ਆਪਣੇ ਪਿੰਡ ਖੇੜੀ ਲੈ ਗਯਾ
ਉਸ ਸਮਯ ਮਾਤਾ ਗੁਜਰੀ ਜੀ ਦੇ ਨਾਲ
ਗੁਰੂ ਘਰ ਦਾ ਕੁਜ ਬੱਚਿਆਂ ਹੋਇਆ ਖਜਾਨਾ ਵੀ ਸੀ
ਰਾਤ ਦੇ ਹਨੇਰੇ ਵਿਚ ਉਸ ਖਜ਼ਾਨੇ ਨੂੰ ਵੇਖ ਕੇ
ਗੰਗੂ ਦੇ ਅੰਦਰ ਲਾਲਚ ਦਾ ਤੂਫ਼ਾਨ ਅੰਗੜਾਈਆਂ ਲੈਣ ਲਗਾ
ਅਤੇ ਉਸਨੇ ਇਸ ਖਜ਼ਾਨੇ ਨੂੰ ਹੜੱਪ ਲੈਣਾ ਚਾਹਿਆ
ਇਸ ਗੱਲ ਦੀ ਭਨਕ ਮਾਤਾ ਜੀ ਦੇ ਕਣਾ ਤਕ ਪੁਜੀ
ਓਹਨਾ ਰਾਤ ਵੇਲੇ ਗੰਗੂ ਨੂੰ ਚਿਤਾਰਿਆ
ਚੰਦਰਿਆ ਜੇ ਤੈਨੂੰ ਮਾਇਆ ਨਾਲ ਐਨਾ ਹੀ ਪਿਆਰ ਹੈ
ਤਾਂ ਇਹ ਮਾਇਆ ਤੂੰ ਸਾਥੋਂ ਮੰਗ ਕਿਊ ਨਾ ਲਈ
ਇਸ ਫਟਕਾਰ ਨੇ ਗੰਗੂ ਨੂੰ ਜਿਸ ਤਰਾਹ ਨਾਮੋਸ਼ੀ ਦੇ ਸਮੁੰਦਰ ਵਿਚ ਧੱਕਾ ਦੇ ਦਿੱਤਾ
ਆਪਣੀ ਬਦਨਾਮੀ ਤੋਂ ਬਚਨ ਵਾਸਤੇ ਗੰਗੂ ਨੇ ਸੁੱਬਾ ਸਰਹੰਦ ਕੋਲ
ਛੋਟੇ ਦੋ ਸਾਹਿਬਜ਼ਾਦੇ ਅਤੇ ਮਾਤਾ ਗੁਜਰੀ ਜੀ ਦੇ ਹੋਣ ਦੀ ਖ਼ਬਰ ਜਾ ਦਿਤੀ
ਅਤੇ ਇਸ ਘਟਨਾ ਨਾਲ ਜਿਸ ਤਰਾਹ ਧਰਤੀ ਦਾ ਕਨ ਕਨ ਪੁਕਾਰ ਉਠਿਆ

ਬੇਦੋਸ਼ ਨਿਮਾਣਿਆ ਜਿੰਦਾਂ ਨੂੰ
ਬੇਦੋਸ਼ ਨਿਮਾਣਿਆ ਜਿੰਦਾਂ ਨੂੰ
ਗੰਗੂ ਤੂੰ ਫੜਾ ਕੇ ਕੀ ਲੈਣਾ
ਬੇਦੋਸ਼ ਨਿਮਾਣਿਆ ਜਿੰਦਾਂ ਨੂੰ
ਗੰਗੂ ਤੂੰ ਫੜਾ ਕੇ ਕੀ ਲੈਣਾ
ਬੇਦੋਸ਼

ਅਜੇ ਇਹ ਤਾਂ ਲੋਰੀਆਂ ਲੈਂਦੇ ਨੇ
ਨਾ ਮੌਤ ਦੀ ਝੋਲੀ ਪਾ ਦੇਵੀ

ਅਜੇ ਮਾਂ ਦੀ ਗੋਦੀ ਖੇਡਣ ਦੇ
ਨਾ ਨੀਹਾਂ ਵਿੱਚ ਚੀਣਾ ਦੇਵੀ
ਤੂੰ ਬੁਢੜੀ ਮਾਂ ਦੀ ਗੋਦੀ ਨੂੰ
ਤੂੰ ਬੁਢੜੀ ਮਾਂ ਦੀ ਗੋਦੀ ਨੂੰ
ਖਾਲੀ ਕਰਵਾ ਕੇ ਕੀ ਲੈਣਾ
ਬੇਦੋਸ਼

ਇਹ ਕਲੀਆਂ ਤੋਂ ਵੱਧ ਕੋਮਲ ਨੇ
ਪਰ ਜੁਲਮ ਸਾਹਮਣੇ ਡਟ ਜਾਣੇ

ਐਵੇਂ ਗੁੱਸਾ ਜੋਰ ਦਿਖਾਵੀਂ ਨਾ
ਇਹ ਝੁਕਣੇ ਨਹੀਂ ਇਹ ਕਟ ਜਾਣੇ
ਤੂੰ ਹਾਰ ਜਾਣਾ ਇਹਨਾ ਜਿੱਤ ਜਾਣਾ
ਤੂੰ ਹਾਰ ਜਾਣਾ ਇਹਨਾ ਜਿੱਤ ਜਾਣਾ
ਛੱਡ ਤੂੰ ਅਜ਼ਮਾ ਕੇ ਕੀ ਲੈਣਾ
ਬੇਦੋਸ਼

ਇਹ ਬੇਸ਼ਕ ਨਿੱਕੀਆਂ ਜਿੰਦਾਂ ਨੇ
ਪਰ ਬੇਟੇ ਕਲਗੀਧਰ ਦੇ ਨੇ

ਇਹਨਾ ਈਨ ਕਿਸੇ ਦੀ ਮੰਨਣੀ ਨਾ
ਨਾ ਜੁਲਮ ਤੋਂ ਹੀ ਇਹ ਡਰਦੇ ਨੇ
ਤੂੰ ਮਾਨਣ ਦੇ ਜ਼ਿੰਦਗਾਨੀ ਵੇ
ਤੂੰ ਮਾਨਣ ਦੇ ਜ਼ਿੰਦਗਾਨੀ ਵੇ
ਐਵੇਂ ਜਾਨ ਗਵਾ ਕੇ ਕੀ ਲੈਣਾ
ਬੇਦੋਸ਼

ਕਿਉਂ ਬਦਲੇ ਖੋਟੀਆਂ ਮੋਹਰਾਂ ਦੇ
ਅਣਮੁੱਲੇ ਲਾਲ ਗਵਾਉਣਾ ਏ

ਆਈ ਨਾ ਰੁੱਤ ਜਵਾਨੀ ਦੀ
ਕਿਉਂ ਪਹਿਲਾਂ ਮੌਤ ਵਿਆਉਣਾ ਏ
ਮੱਥੇ ਤੇ ਲੂਨ ਹਰਾਮੀ ਦਾ
ਮੱਥੇ ਤੇ ਲੂਨ ਹਰਾਮੀ ਦਾ
ਤੂੰ ਦਾਗ ਲਵਾ ਕੇ ਕੀ ਲੈਣਾ
ਬੇਦੋਸ਼ ਨਿਮਾਣਿਆ ਜਿੰਦਾਂ ਨੂੰ
ਗੰਗੂ ਤੂੰ ਫੜਾ ਕੇ ਕੀ ਲੈਣਾ
ਬੇਦੋਸ਼ ਨਿਮਾਣਿਆ ਜਿੰਦਾਂ ਨੂੰ