तू लागे तिरछी तेज कटारी मैं क्यूकर कर ल्यूं यारी
लेने के देने पड़ ज्या कदे हो ज्या मुसीबत भारी
बेमतलब इल्जाम रे छोरी धरवा तो नहीं देगी
गलत काम कोई मेरी गैल तू करवा तो नहीं देगी
शरेआम तू चाम रे छोरे तरवा तो नहीं देगी
हो मने बुला के तेरे शहर में मरवा तो नहीं देगी
तू कर जाएगी गद्दारी मैं क्यूकर कर ल्यूं यारी
तू लागे तिरछी तेज कटारी मैं क्यूकर कर ल्यूं यारी
लेने के देने पड़ ज्या कदे हो ज्या मुसीबत भारी

बिजली ते भी तेज करेंट से छोरी तेरी बातां में
बात बात पे झटके देवे कोन्या हाथ मिलाता मैं

तू घबरावे ना छोरे मैं तेरा दिल ते साथ निभाऊंगी
ना मारूं झटके गाड़ी प्यार की बिलकुल सेफ चलाऊंगी

कदे जा तू मार उडारी मैं क्यूकर कर ल्यूं यारी
तू लागे तिरछी तेज कटारी मैं क्यूकर कर ल्यूं यारी
लेने के देने पड़ ज्या कदे हो ज्या मुसीबत भारी
तू करगी जे कोई तीन पांच मेरा सारा सांग बिगड़ जाएगा
मारेंगे ताने लोग मेरे मेरा सारा तोरा झड़ जाएगा

तू डी के शर्मा छोड़ दे चिंता करनी गांव बुवाने की
तन्ने मेरे खिलाफ चढ़ावे माना मैं छोरी थोड़ ठिकाने की

मैं जानूं रग तेरी सारी मैं क्यूकर कर ल्यूं यारी
तू लाले छोरे यारी मैं छोरे सू घनी प्यारी
कदे मर जाऊं मैं कुंवारी तू कर ले भ्या की तैयारी