ਦੱਸੀ ਕਲਗੀ ਵਾਲਿਆ ਵੇ ਕਿੱਥੇ ਲਾਲਾਂ ਦੇ ਨੇ ਜੋੜੇ
ਦੱਸੀ ਕਲਗੀ ਵਾਲਿਆ ਵੇ ਕਿੱਥੇ ਲਾਲਾਂ ਦੇ ਨੇ ਜੋੜੇ
ਮਾਤਾ ਗੁਜ਼ਰੀ ਦਿੱਸਦੀ ਨਾ ਕਿੱਥੇ ਪਾਏ ਓਹਨਾਂ ਵਿਛੋੜੇ
ਮਾਤਾ ਗੁਜ਼ਰੀ ਦਿੱਸਦੀ ਨਾ ਕਿੱਥੇ ਪਾਏ ਓਹਨਾਂ ਵਿਛੋੜੇ

ਤੇਰੇ ਲਾਲਾਂ ਦੇ ਜੋੜੇ
ਤੇਰੇ ਲਾਲਾਂ ਦੇ ਜੋੜੇ
ਤੇਰੇ ਸੋਹਣੇ ਰਾਜ ਦੁਲਾਰੇ
ਪੈ ਗਿਆ ਵਿਛੋੜਾ ਸੀ
ਆ ਕੇ ਸਰਸਾ ਨਦੀ ਕਿਨਾਰੇ

ਫਤਹਿ ਸਿੰਘ ਤੇ ਜੋਰਾਵਰ
ਜੇਹੜੇ ਉਮਰਾਂ ਦੇ ਵਿੱਚ ਥੋੜੇ
ਫਤਹਿ ਸਿੰਘ ਤੇ ਜੋਰਾਵਰ
ਜੇਹੜੇ ਉਮਰਾਂ ਦੇ ਵਿੱਚ ਥੋੜੇ
ਕਿਸ ਜ਼ਾਲਿਮ ਨੇ ਆ ਕੇ
ਫੁੱਲ ਡਾਲੀ ਨਾਲੋਂ ਤੋੜੇ
ਕਿਸ ਜ਼ਾਲਿਮ ਨੇ ਆ ਕੇ
ਫੁੱਲ ਡਾਲੀ ਨਾਲੋਂ ਤੋੜੇ

ਗੰਗੂ ਰਾਮ ਰਸੋਈਆ ਸੀ
ਗੰਗੂ ਰਾਮ ਰਸੋਈਆ ਸੀ
ਜਿਸ ਨੇ ਐਨਾ ਜ਼ੁਲਮ ਕਮਾਇਆ
ਮੇਰੇ ਛੋਟੇ ਲਾਲਾਂ ਨੂੰ
ਜਿਸ ਨੇ ਠਾਣੇ ਵਿੱਚ ਫੜਾਇਆ

ਓਹੋ ਕੇਹੜਾ ਪਾਪੀ ਸੀ
ਜਿਸ ਨੇ ਦਿੱਤੀਆਂ ਸੀ ਸਜ਼ਾਵਾਂ
ਓਹੋ ਕੇਹੜਾ ਪਾਪੀ ਸੀ
ਜਿਸ ਨੇ ਦਿੱਤੀਆਂ ਸੀ ਸਜ਼ਾਵਾਂ
ਕਿਵੇਂ ਪਾਈ ਸ਼ਹੀਦੀ ਸੀ
ਸੁਣ ਕੇ ਦਿਲ ਦੀ ਪਿਆਸ ਬੁਝਾਵਾਂ
ਕਿਵੇਂ ਪਾਈ ਸ਼ਹੀਦੀ ਸੀ
ਸੁਣ ਕੇ ਦਿਲ ਦੀ ਪਿਆਸ ਬੁਝਾਵਾਂ

ਸਰਹੰਦ ਦੀ ਧਰਤੀ ਤੇ
ਸਰਹੰਦ ਦੀ ਧਰਤੀ ਤੇ
ਓਹਨਾਂ ਜਾ ਕੇ ਫਤੇਹ ਬੁਲਾਈ
ਨੀਹਾਂ ਵਿੱਚ ਚਿਣੇ ਗਏ
ਓਹਨਾਂ ਧਰਮ ਨੂੰ ਲਾਜ਼ ਨਾ ਲਾਈ

ਜੋ ਵੱਡਿਆਂ ਨਾਲ ਬੀਤੀ
ਗੁਰੂ ਜੀ ਓਹ ਵੀ ਜ਼ਰਾ ਸੁਣਾਓ
ਜੋ ਵੱਡਿਆਂ ਨਾਲ ਬੀਤੀ
ਗੁਰੂ ਜੀ ਓਹ ਵੀ ਜ਼ਰਾ ਸੁਣਾਓ
ਮੇਰੇ ਦਿਲ ਵਿੱਚ ਭੜਕ ਰਹੀ
ਮਮਤਾ ਦੀ ਅਗਨ ਬੁਝਾਓ
ਮੇਰੇ ਦਿਲ ਵਿੱਚ ਭੜਕ ਰਹੀ
ਮਮਤਾ ਦੀ ਅਗਨ ਬੁਝਾਓ

ਤੇਰੇ ਅਜੀਤ ਜੁਝਾਰ ਨੇ
ਤੇਰੇ ਅਜੀਤ ਜੁਝਾਰ ਨੇ
ਧੂਹ ਕੇ ਖਿੱਚੀਆਂ ਜਦ ਤਲਵਾਰਾਂ
ਲੱਖਾਂ ਤਾਈਂ ਮਾਰ ਦਿੱਤਾ
ਕੀਤੇ ਫੱਟੜ ਕਈ ਹਜ਼ਾਰਾਂ

ਜੰਗ ਹੋਇਆ ਕਿੱਥੇ ਸੀ
ਕਿੱਥੇ ਓਹਨਾਂ ਨੇ ਜੋਹਰ ਵਿਖਾਏ
ਜੰਗ ਹੋਇਆ ਕਿੱਥੇ ਸੀ
ਕਿੱਥੇ ਓਹਨਾਂ ਨੇ ਜੋਹਰ ਵਿਖਾਏ
ਓਹ ਧਰਤੀ ਕੇਹੜੀ ਸੀ
ਜਿਸ ਨੇ ਸ਼ਹੀਦੀ ਜ਼ਾਮ ਪਿਆਏ
ਓਹ ਧਰਤੀ ਕੇਹੜੀ ਸੀ
ਜਿਸ ਨੇ ਸ਼ਹੀਦੀ ਜ਼ਾਮ ਪਿਆਏ

ਚਮਕੌਰ ਦੀ ਧਰਤੀ ਸੀ
ਚਮਕੌਰ ਦੀ ਧਰਤੀ ਸੀ
ਜਿੱਥੇ ਜ਼ਮਕੇ ਹੋਈ ਲੜਾਈ
ਤੇਰੇ ਲਾਲਾਂ ਨੇ ਹੱਸ ਕੇ
ਓਥੇ ਲਾੜ੍ਹੀ ਮੌਤ ਵਿਆਹੀ
ਤੇਰੇ ਲਾਲਾਂ ਨੇ ਹੱਸ ਕੇ
ਓਥੇ ਲਾੜ੍ਹੀ ਮੌਤ ਵਿਆਹੀ